★ Senja di Jakarta - jakarta ..

                                     

★ Senja di Jakarta

Senja di Jakarta marupoan novel nan ditulih dek Mochtar Lubis. Novel iko bacarito manggambaran kaadaan masyarakaik ibu kota Jakarta tahun 1950-an. Kamalaraiak an tajadi dima-dima, korupsi marajo lelo, panyalahgunaan kakuasan jo karusakan moral tajadi dima-dima se. Senja di Jakarta atau Twilight in Jakarta marupoan novel partamo Indonesia nan babahaso Inggris.

                                     

1. Riwayat penerbitan

Pado tahun 1961, Mochtar Lubis memenuhi undangan dari IPI International Press Institute di Tel Aviv. Naskah novel tu di baoknyo ka konferensi tu. Kudian ditabikan naskah tu partamo kali ditabik an dalam bahaso Inggris nan ditajamahan dek Claire Holt jo judul Twilight in Jakarta pado tahun 1963. Disusul dek panarbit Vanguar di Amerika pado satahun barikuiknyo.

Satahun sudah tu, P.H Fruithof manajamah novel tu ka dalam bahaso Belanda jo judul Schemer over Djakarta. Tahun 1965 panabik di Malaysia mabik an Senja di Jakarta sabagai carito basambuang jo ejaan Malaysia. Siap tu dibaik an dalam bantuak buku dek Pustaka Antara.

Senja di Jakarta pado tahun 1970 akhianyo tabik jo bahaso usalinyo, ditabikan dek Badan Penerbit Indonesia Raya. Penerbitan partamo kurang mandapek respon dari pambaco. Ironinyo novel ko labiah disambuik jo dipuji di lua nagari katimbang dalam nagari. Namun, novel ko lai tembus cetakan kaduo pado tahun 1981 dalam bahasa Indonesia ditabikan dek Pustaka Jaya. Nan paliang baru, pado tahun 2009 Yayasan Obor Indonesia manabikan novel ko, manjadi kali kaduo nan ditabikan den Yayasan Obor. Salain itu, Senja di Jakarta ditajamahan pulo ka dalam bahaso Italia, Spanyol, Korea, jo Jepang.

                                     

2. Latar balakang

Mochtar Lubis marupoan sastrawan Angkatan 1960-an, inyo dikana dek manulih novel, cerpen, penerjemah, pelukis, jo marupoan seorang jurnalis tanamo. Taun 1957 Mochtar Lubis ditahan dek pemerintahan Bung Karno. Selama dalam tahanan ia menulis karya sastra. Senja di Jakarta, Tanah Gersang, Harimau! Harimau!, serta Maut dan Cinta marupoan karya nan inyo tulih salamo di pinjaro.

Pengalaman Mochtar Lubis nan baubungan jo masalah revolusi ditulihnyo manjadi karya sastra, dalam bantuak novel jo carito pendek. Inyo manulih kulikaik buruak manusia supayo dapek dimangarati jo dirasoi dek masyarakaik. Mochtar mangakui adonyo potensi untuak maangkek masalah sosial dan politik jo maagiah tahu urang banyak malalui Senja di Jakarta. Kabaradoan Mochtar di Jakarta, bukan barati inyo hanyo bacarito manganai Jakarta sajo, tapi juo keadaan Indonesia kasaluruhannyo.

Penerbitan Senja di Jakarta mambuek Mochtar barasia maruntuhan "pinjaro" Soekarno, jo mambukanyo ka saluruah dunia. Novel ko manggambaran kahidupan sosial politik Indonesia ka dunia. Senja di Jakarta marupoan laporan partamo bagi dunia atas kesusastraan Indonesia. Para kritikus sastra maliek kasamoan sipek Mochar jo panulih dari negara Dunia ketiga lainnyo, bacarito manganai masalah-masalah nan umumnyo tajadi di dunia katigo.

                                     

3. Panokohan dan gaya bahaso

Novel ko manggunoan gaya realistis, sabab carito nan ado dalam novel ko mangisahan tantang kahidupan di Jakarta jo hal-hal nan ado di dalamnyo, Sarupo kahidupan nan kayo jo nan miskin, nan politik jo kriminal, jo kaum intelektual. Dalam novel Senja di Jakarta indak ado tokoh utama jo tokoh bawahan. Sado tokoh mampunyoi paran nan samo, dikalompokan mawakili lapisan masyarakai tatantu. Dari setiap kelompok dapat dilihat tokoh mana yang agak menonjol, tetapi tidak dapat dikatakan memegang peranan penting. Berikut tokoh-tokohnya, tokoh nan barasa dari kelas bawah: Saimun, Itam, Neneng, jo Pak Ijo. Tokoh nan barasa dari kelas manangah:Sugeng, Hasnah, Idrus, jo Dahlia. Lalu, tokoh nan mawakili kalompok intelektual jo ideologinyo masiang-masiang: Pranoto, Isye, Yasrin, Ahmad, Suryono, jo Murhalim. Salanjuiknyo, tokoh dari kalompok politikus: Husin Limbara, Halim, jo Raden Kaslan. Tarakhia, golongan elit: Raden Kaslan, Fatma, jo Suryono.

                                     

4. Carito singkek

Pancaritoan dalam novel ko dimulai dari bulan Mei hinggo bulan Januari. Bab-bab di dalam novel ko ditandoi jo namo bulan, diselingi jo bab laporan kota. Nan tajadi salamo bulan Mei inggo Januari adolah masalah politik, sosial, ekonomi, jo kebudayaan. Kajadian bulan Mei sampai Juni manggambaran kahidupan Saimun jo Itam sabagai tukang sampah nan hanyo digaji lapeh untuak makan. Paristiwa kaduo kahidupan mewah Suryono baru pulang dari New York. Hinggo bulan Juli bab di novel ko manggabaran katimpangan antaro duo kehidupan ciek bagalimang harato, nan ciek lai dalam kamiskinan.

Bulan-bulan salanjuiknyo, malalui Suryono nan tokoh utamo, inyo pulo sabagai pagawa negeri. Kisah novel ko mangalia caritonyo baa anggota masyarakaik tajarek untuak babuek sagalo caro untuak manakan jo manindeh rakyaik ketek. Sahinggo nan kayo tambah bakuaso.

Raden Kaslan adolah seorang anggota dewan Partai Indonesia nan marancanoan untuak mandirian parusahaan-parusahaan fiktif nan bakarajo dalam usaha ekspor-impor pakakeh kabutuhan rakyat. Urang nan inyo picayo manjadi pimpinan parusahaan fiktif tu anaknyo surang, yaitu Suryono nan pulo manjadi pegawai kementrian luar negeri.

Urang barikuiknyo nan manjabar sabagai perusahaan fiktif banamo Sugeng, saurang pagawai nan salalu dituntuik dek bininyo untuak mamanuhi kabutuhan materi nan malabiahan kamampuan lakinyo, sahinggo Sugeng manarimo jabatan itu. Ado pulo Rusdi, lalaki yang indak tergiur jo sado kemewahan nan mungkin inyo dapek an. Akan tatapi, bini Rusdi, Dahlia sarupo bini Sugeng. Akhinyo inyo babuek serong samo Suryono, untuak mandapek an kainginannyo tu kutiko lakinyo indak ado di rumah.

Parusahaan ko barasia maraih kauntungan gadang, sainggo mambuek urang nan ado di dalamnyo bisa manjalani iduik bagalimang harato. Di sampiang itu banyak pulo masyarakaik nan iduik malaraik, ado Pak Iji ko bininyo nan taruih manahan lapa untuak maiduiki kaluarganyo. Neneng nan jadi wanita pekerja seks komersial karano ndak bisa manahan lapa. Mereka sadonyo iduik sudah jo taruih kakaurangan. Sadonyo itu lapek dari perhatian Raden Kaslan jo para direktur fiktif. Katimpangan itulah nan manjadi fokus pancaritoan dalam novel ko. Kahidupan rakyat nan balawananan jo kahidupan panguaso pado tahun tu.



                                     

5. Adaptasi

Pado taun 1967 novel iko diangkek ka layar lebar dek sutradara Nico Pelamonia jo Tuti Mutia Film Production tanpo adonyo parubahan judul. Adaptasi novel ko ka film manjadi salah satu novel Indonesia yang direproduksi sastra nan indak ekslusif, aratinyo proses adaptasi indak mamandang tingkek pandidikan penikmatnyo.

                                     

6. Tanggapan

H.BJassin, Kritikus Sastra tanamo panah manyabuikan novel Senja di Jakarta marupuoan novel yang memiliki jalan carito nan manarik. Sabab Mochtar mangkritik manganai kabijakan Soekarno. Namun manjadi catatan dek Jassin, Mochtar tidak sebaik katiko Jalan Tak Ada Ujung dalam gaya pancaritoaan.Senja di Jakarta tagolong novel nan banyak mandapek tanggapan dari masyarakaik pambaconyo. Ajip Rosidi dalam Ikhtisar Sejarah Sastra Indonesia 1976 mangecekan bahwa novel ko mandapek sambutan dari pers dunia, sabab manyabuikan kahidupan pulitik nan kumuah, manipulator, jo profiteur di Jakarta jo latar balakang urang bansaik. A Teeuw manyabuikan novel ko sabagia karya Mochtar Lubis nan aguang jo manyatakan diri dalam segi karya marupoan novel nan matang, memberikan gambaran mandalam tentang Jakarta nan korup, kacau, jo indak puno perikemanusian.



                                     

7. Rujuakan

Daftar Pustaka

  • Saptawuryandari, Nurweni Desember 2015. "Pandangan Dunia Mochtar Lubis dalam Novel Senja di Jakarta". Aksara. 27 2: 200. Diakses tanggal 11 Desember 2019.
  • Ensiklopedia. "Mochtar Lubis". Ensiklopedia Sastra Indonesia. Badan Pengembangan dan Pembinaan Bahasa Kementerian Pendidikan dan Kebudayaan Republik Indonesia. Diakses tanggal 11 Desember 2019.
  • Kusuma, Emy Rizta 2017. "KARAKTERISTIK NOVEL SENJA DI JAKARTA KARYA MOCHTAR LUBIS SEBAGAI ALASAN PENGEMBANGAN BAHAN PEMBELAJARAN SASTRA DI SEKOLAH". Prosiding SENABASA. 1 2: 112. Diakses tanggal 11 Desember 2019.
  • Hill, Davit T. 2011. Jurnalisme dan Politik di Indonesia. Jakarta: Yayasan Obor Indonesia. ISBN 978-979-461-788-5.
  • Ensiklopedia. "Senja di Jakarta 1957". Ensiklopedia Sastra Indonesia. Badan Pengembangan dan Pembinaan Bahasa Kementerian Pendidikan dan Kebudayaan Republik Indonesia. Diakses tanggal 11 Desember 2019.
                                     
  • jo imbalan ala kadarnya. Walaupun harus menghadapi getirnya hiduik di usia senja Inyo masih berharap pamarentah nio memperhatikan nasibnya. Pemain sipak
  • 1989 Balada Urang Mudo TPI, 1990 Senja di Ujung Taun RCTI, 1991 Sengsara Membawa Nikmat TVRI, 1992 Pelangi di Hatiku RCTI, 1992 Lelaki Dari Tanjuang

Users also searched:

senja di jakarta,

Encyclopedic dictionary

Translation
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →